trampning irangha mudaxile qilish hoquqigha cheklime qoyuldi

mérika palatasi pirézidént trampning irangha mudaxile qilish hoquqini «dölet mejlisining maqulluqisiz ishlitishi» ge cheklime qoyulghan qarar layihesini maqullidi.

trampning irangha mudaxile qilish hoquqigha cheklime qoyuldi

türkiye awazi radiyosi xewiri: amérika palatasi omumiy kéngishida awazgha qoyulghan qarar layihesi 45 ke qarshi 55 awaz bilen qobul qilindi.

wirginiye ishtatining démokrat palata ezasi tim kayné teripidin omumiy kéngeshke sunulghan qarar layihesi, pirézidént trampning buningdin kéyin irangha qarita dölet mejlisining maqulliqisiz héchqandaq qedem tashliyalmasliqini nishan qilidu.

qarar layihesini démokrat parlamént ezalirining hemmisi qollap awaz berdi, jumhuriyetchiler partiyesidin 8 palata ezasiningmu qarar layihesini qollap awaz bérishi diqqet qozghidi.

qarar layihesining awam palatasi teripidinmu qobul qilinishi kütülmekte. tramp teripidin wéto qilinishi kütülüwatqan qarar layihesi, dölet mejlisining iran mesiliside trampqa tutuwatqan eng keskin pozitsiyesi dep qaralmaqta.

tramp bu heqte toxtalghanda, «démokratlar jumhuriyetchiler partiyesini nomus qildurushqa tirishiwatidu, bundaq bolushigha yol qoymanglar» teriqiside chaqiriqta bolghanidi.


خەتكۈچ: iran , cheklime , dölet mejlisi , amérika , tramp

مۇناسىۋەتلىك خەۋەرلەر