méksika chégrasigha sélinidighan tamning xirajiti hel qilindi

türkiye awazi radiyosi xewiri: amérika s n n (CNN) qanilida élan qilinghan bir xewerde, amérika dölet mudapie ministirliqining mushu hepte ichide tam üchün qilidighan iqtisadiy yardemge munasiwetlik resmiy bayanat élan qilidighanliqi qeyt qilindi.

donald tramp hökümitining 5.7 milyard dollargha pütüshi texmin qiliniwatqan tamgha serp qilinidighan barliq xirajet mesiliside kongre bilen kélishelmigenliki, shunga kongredin 2 milyard dollar telep qilidighanliqi eskertildi.

dölet mudapie ministirliqidin telep qilghan yardemni, kongrening testiqlishigha kérekning yoqluqi, bu sewebtin trampning tam üchün lazim bolghan iqtisadiy yardemni qolgha keltüreleydighanliqi qeyt qilindi.

amérika dölet mudapie ministiri mayk éspér (Mark Esper) ötken ay (2020-yili yanwar) tam üchün xirajet ajritishqa teyyar ikenliklirini bildürüp: «mudapie ministirliqining birinchi muhim wezipisi ana wetenni qoghdash, shunga sherqiy jenubiy chégramiz xewpsizlik mesilisi hésablinidu. ishlarning qandaq tereqqiy qilidighanliqigha qaraymiz» dégen idi.

pirézidént trampning amérika-méksika chégrasigha 5.7 milyard dollar serp qilinidighan tam sélishni telep qilishi we kongrediki démokratlarning buninggha ruxset qilmasliqi sewebidin, amérika fédératsiye hökümiti 2018-yili 22-dékabirdin 2019-yili 25-yanwarghiche taqalghan idi. trampning arqidin awam palatasi we kéngesh palatasi testiqlighan üch heptilik xirajet qanunini imzalap ijra qilishi bilen, amérika tarixidiki eng uzun fédératsiye hökümiti taqalghan mezgil axirlashqan idi.

trampdémokratlar tamgha chiqirilidighan xiraqetni testiqlimaydighanliqlirini élan qilghandin kéyin, «jiddiy halet» élan qilip, pirézidéntliq qarari bilen tamni salduridighanliqini uqturghan idi.

ötken yili (2019) ottura amérikadin yolgha chiqqan 7 mingdin artuq kishi méksika zémini arqiliq amérika chégrasigha yétip kelgen, biraq amérika chégra qoghdash qisimliri ularni tutup qalghan idi. tutulghanlar ichide minglarche kichik balining barliqi, köpinchisi qayturulush üchün nachar sharaitlar astida turuwatqanliqi bildürülgen idi.

tramp bolsa, tutup turuluwatqan köchmenlerning héchqaysisining sot qarari bolmay turup, chégradin kirgüzülmeydighanliqini, bu jeryanda otturigha chiqqan insaniy kirizislar démokratlarning naraziliqini qozghighan idi.