tramp wénézuéla öktichi rehbiri guaydo bilen körüshti

amérika pirézidénti donald tramp özini «waqitliq pirézidént» dep élan qilghan wénézuélaning öktichi rehbiri xuen guaydo bilen aqsarayda körüshti.

1354197
tramp wénézuéla öktichi rehbiri guaydo bilen körüshti

türkiye awazi radiyosi xewiri: pirézidént donald tramp wénézuéla öktichilirining rehbiri xuen guaydoni aqsarayda kütüwaldi. pirézidént tramp bilen xuen guaydoning körüshüshidin burun élan qilinishi kérek bolghan bayanat, héchqandaq seweb körsitilmestin emeldin qalduruldi.

tramp-xuen guaydo körüshüshi axbaratqa yépiq shekilde ötküzüldi.

xuen guaydo tramp bilen körüshüshtin ilgiri muawin pirézidént mayk péns we bashqa amérika siyasetchiliri bilen körüshti.

amérikaning qollishigha érishken xuen guaydo wénézuéla aliy soti chet elge chiqishni chekligen bolsimu, 2020-yili 19-yanwar kolombiyege bérip, 3-qétimliq amérika qitesi térrorizmgha qarshi turush ministirlar konféransigha qatnashti we amérika tashqi ishlar ministiri mayk pompéyo bilen körüshti.

u yighindin kéyin, shiwéytsariyening dawos shehiride ötküzülidighan yighingha qatnishish we oxshimighan dunya rehberliri bilen körüshüsh üchün yawropagha barghan idi.



مۇناسىۋەتلىك خەۋەرلەر