makron ermen dewaliri toghrisida biljirlidi

firansiye pirézidénti émanuél makron, 1915 – yil weqelirige alaqidar atalmish ermen dewaliri heqqide perwasizlarche bayanat

1350089
makron ermen dewaliri toghrisida biljirlidi

türkiye awazi radiyosi xewiri: firansiye pirézidénti émanuél makron, 1915 – yil weqelirige alaqidar atalmish ermen dewaliri heqqide perwasizlarche bayanat bérip, ermen dewalirini inkar qilghuchilarni jazalash üchün qanuniy xizmetlerning ishlengenlikini eskertti.

firansiyediki ermen jemiyetliri kordinatsiye kéngishining yilliq kechlik ziyapitige ishtirak qilghan makron, murasimda söz qilip, dölitining firansiyede yashaydighan ermenlerni we erméniyeni herdaim qollaydighanliqini bildürüp, « ermen jemiyetliri kordinatsiye kéngishining ermen dewalirini ret qilghuchilarning jazalinishini telep qiliwatqanliqini, bu jehette qanuniy xizmetlerning ishlengenliki»ni éytti.

firansiye asasiy qanun mehkimisi, 1915 – yil weqelirige munasiwetlik atalmish ermen dewalirinimu öz ichige alidighan shekilde «bezi jinayetlerni ret qilishni jinayet hésablash» toghrisidiki qanunning munasiwetlik maddisini ikki yil ilgiri emeldin qalduruwetkenidi.

özgertish kirgüzülgen qanun maddisida 1915 – yil weqelirige munasiwetlik atalmish ermen dewalirigha alaqidar héchqandaq biwasite söz – ibare yoq idi. biraq qanunning, 1915 – yil weqelirini «irqiy qirghinchiliq» dep étirap qilmasliqni «öchmenlik jinayiti» dairisige kirgüzüp, buninggha munasiwetlik jazalash yollirining yolini achidighanliqi eskertilgenidi.

u qanungha asasen, mezkur jinayet bilen eyiblengen kishige 1 yilliq qamaq jazasi we 40 ming yawro iqtisadiy jaza bérishke bolatti.

firansiyede nikolas sarkozyning pirézidéntliqi mezgilide qobul qilinghan mushuninggha oxshash bir qanunmu asasiy qanun mehkimisi teripidin «pikir erkinlikige cheklime qoyidighanliqi» ilgiri sürülüp ret qilinghanidi.


خەتكۈچ: #makron , #ermen , #firansiye

مۇناسىۋەتلىك خەۋەرلەر