трамп әрдоғанға тәзийә билдүрди

америка қошма иштатлири пирезиденти доналд трамп әлазиғда йүз бәргән йәр тәврәш апити мунасивити билән җумһур рәис рәҗәп таййип әрдоғанға тәзийә билдүрди.

трамп әрдоғанға тәзийә билдүрди

түркийә авази радийоси хәвири: җумһур рәислик сарийи учур - алақә ишлири башқармисиниң билдүрүшичә, америка қошма иштатлири пирезиденти доналд трамп әлазиғда йүз бәргән йәр тәврәш апити мунасивити билән җумһур рәис рәҗәп таййип әрдоғанға телефон қилип, тәзийә билдүргән, һәмдә һәмишә түркийәниң йенида икәнликини ипадилигән. буниңдин башқа йәнә, телефон сөһбитидә, икки рәһбәр, түркийә – америка мунасивәтлири, идлиб вә ливийәни өз ичигә алған районлуқ мәсилиләр һәққидә өзара пикир алмаштурған.

ақсарай байанатчисиниң йардәмчиси җуд дере, бу һәқтә елан қилған йазма байанатида мундақ деди: «телефон сөһбитидә, икки рәһбәр, ливийә мәсилисигә чәт әл мудахилисини тохтитиш вә уруш тохтитишни давамлаштурушниң зөрүрлүки һәққидә музакирә елип барди. шуниң билән бир вақитта, трамп билән әрдоған, идлибта давамлишиватқан зораванлиқ вәқәлиригә хатимә бериш мәсилиси тоғрилиқму бирдәклик һасил қилди. трамп түркийә билән гиретсийәниң шәрқий ақдеңиз мәсилиси сәвәб болуватқан келишмәсликләрни һәл қилишиниң зөрүрлүкини тәкитлиди.»



مۇناسىۋەتلىك خەۋەرلەر