хитайдин тарқилишқа башлиған қорқунчлуқ вирус канадағиму йетип барди
хитайда оттуриға чиқип пүтүн дөләт миқйасиға кеңәйгән йеңи типлиқ коронавируси канададиму байқалди.
түркийә авази радийоси хәвири: канаданиң онтарийо өлкилик сәһийә идариси бөлүм башлиқи доктор давид вилйамс ахбарат елан қилиш йиғини чақирип, канадада тунҗи қетим коронавирусиниң торонтода байқалғанлиқини җакарлиди.
доктор давид вилйамс хитайниң вухән шәһиридин 22 - йанварда торонтоға қайтқан 50 йашлиқ әрдә коронавируси байқалғанлиқини уқтуруп, бемарниң назарәт астида тутулғанлиқини шуңа хәлқ саламәтликигә йәткүзидиған хәвпиниң интайин төвән икәнликини ейтти.
торонто хәлқ саламәтликини қоғдаш вә йуқумлуқ кесәлликләрни контирол қилиш мәркизи мудири доктор барбара йаффему торонто саннийбирок сәһийә билимлири мәркизидә назарәттә тутуп туриливатқан бемарниң учрашқан адәмлириниң пәқәтла аилиси билән чәклик икәнликини вә буларниңму хәлқтин айрим тутуп туриливатқанлиқини елан қилди.
коронавируси қисқиғинә муддәттә хитайдин һалқип, фирансийә, америка, йапонийә, җәнубий корейә, тайвән, тайланд, вейетнам, австиралийә вә малайшийәгичә йетип барди.
