xitay döletlik sehiye komitéti wirus bilen ölgenlerning sanini élan qildi

türkiye awazi radiyosi xewiri: xitay döletlik sehiye komitéti teripidin élan qilinghan bayanatqa asaslanghanda, xitay miqyasida wirus bilen yuqumlanghanlarning omumiy sani 1975 kishi iken we bulardin 324 kishining ehwali intayin éghir iken.

ölke we sheherler boyiche hésablanghanda xubéyde 52, xinende 1, xibeyde 1, xilongjiyangda 1, we shangxeyde 1 kishi wirus yüzisidin ölgen bolup, wirus bilen yallughlanghanliqi shubhilik kishilerning sani 2684 iken.

xitay döletlik sehiye komitéti yene, mushu 24 saet ichidila wirus bilen yuqumlanghan 688 kishi bayqalghanliqini we bular uchrashqanliqi yüzsidin tekshürüshke élinghanlar sanining 21 ming 556 kishige yetkenlikinimu élan qildi.

bayanatta ilgiri sürülishiche, wirus bilen yuqumlanghanlardin 49 kishini dawalap saqaytqan.

bu ariliqta biwaste merkezge qarashliq sheherlerdin béyjingda 51, shangxeyde 40, chongchingda 75 we tienjinde 13 kishide wirus bayqalghan.

ölkiler boyiche, xubéyde 1052, jijangda 104, goangdongda 98, xinende 83 kishide wirus bayqalghandin sirt xitayning alahide memuriy rayonliridin xongkongda 5, makawda 2 kishimu wirus bilen yuqumlanghan.

teywende bolsa, wirus bilen yuqumlanghuchilarning sani 3 ke örligen.

yene bir tereptin xitayning sirtighimu wirus tarqilishqa bashlidi. taylanda 4, yaponiyede 2, jenubliy koréyede 2, amérikada 2, wéyétnamda 2, singaporda 3, malayshiyada 3, népalda 1, firansiyede 3, awstiraliyede 1 kishide wirus bayqaldi.

bu jeryanda yaponiyede 1 neper we teywende 2 neper wirus bilen yuqumlanghan kishining ehwalining yaxshilinishqa bashlanghanliqi élan qilindi.