шаһзадә чарлес пәләстинликләрни қоллап байанат елан қилди

әнглийә тәхт вариси галлер шаһзадиси чарлес, пәләстин хәлқиниң азадлиқ, адаләт вә баравәрликтин толуқ пайдилинишини арзу қилидиғанлиқини ейтти.

шаһзадә чарлес пәләстинликләрни қоллап байанат елан қилди

түркийә авази радийоси хәвири: пәләстинниң рәсмий хәвәр агентлиқи «WAFA» ниң билдүришичә, шаһзадә чарлес ғәрбий қирғақниң җәнубидики бәйтулаһим шәһиридә пәләстин мәсуллиридин башқа йәнә мусулман вә хиристийан диний затлар биләнму учришиш елип барған. 

учришишта шаһзадә чарлес мәңгүлүк тинчлиқ вә адаләт үчүн қилинған дуаларға өзиниңму қатнашқанлиқини тилға алған.

шаһзадә чарлес: «бу давани иман билән тәқип қилишимиз вә бу хил азаб оқубәтләргә сәвәб болған йариларни сақайтишимиз керәк. әң чоң арзуйум؛ кәлгүсиниң пәләстинликләргә бараврәлик вә азадлиқ елип келиши шундақла уларниң бай байашатлиқ ичидә болишидур. бәйтуллаһимни зийарәт қилған һеч киши давамлишиватқан қейинчлиқларға вә йүз бәргән вәқәләргә көз йумалмайду» деди. 

 



مۇناسىۋەتلىك خەۋەرلەر