хитайдики вирусниң тарқилиш сүрити һәммини чөчүтмәктә

хитайниң вухән шәһиридә оттуриға чиққан вә пүтүн хитай миқйасиға тарқалған йеңи типтики коронавируси (2019-nVoC) билән 1287 кишиниң йуқумланғанлиқи вә 41 кишиниң өлгәнлики билдүрүлди.

хитайдики вирусниң тарқилиш сүрити һәммини чөчүтмәктә

түркийә авази радийоси хәвири: хитай дөләтлик сәһийә комитети тәрипидин елан қилинған мәлуматларға асасланғанда, вирус билән йуқумланғанларниң сани 1287 гә чиққан болуп, булардин 237 кишиниң әһвали интайин еғир икән.

өлгәнләрниң саниниң болса 41 гә чиққанлиқи уқтурулди.

буниңдин башқа йәнә вирус билән йуқумланған болуш еһтималлиқи йуқири кишиләр саниниң 1965 гә чиққанлиқи вә бүгүнгә қәдәр вирус йуққандин кейин давалинип сақайғанлар саниниң 38 кишигә йәткәнлики илгири сүрүлди.

йаллуғланған кишиләр билән көрүшкән 13967 кишиниң дохтурханида назарәт астида икәнлики билдүрүлди. 

хитай чоң қуруғлиқидин башқа йәнә, хоңкоң алаһидә мәмурий районида 5 киши, макав алаһидә мәмурий районида 2 киши, тәйвәндә 3, тайландта 4, йапонийәдә 2, җәнубий корейәдә 2, америкада 2, сингапорда 3, непалда 1 вә фирансийәдә 2 кишидә вирус байқалди.


خەتكۈچ: вирус , хитай

مۇناسىۋەتلىك خەۋەرلەر