хитай чүшқа йилини түгүтүп, чашқан йилиға вирус апити билән биргә қәдәм қойди
хитайда 12 һайванлиқ әнәнивий калиндари бойичә чошқа йили ахирилишип, чашқан йили башланди.
түркийә авази радийоси хәвири: һәр йиңи йил кәлгәндә, бутханиларға йүгрәйдиған хитайлар бу йил коронавируси (2019-nCoV) апитигә қарши йолға қойулған тәдбирләр түпәйлидин бутханиларға баралмиди.
хитайда миладийә калиндаридин башқа қәмәрийә келиндари вә 12 һайванлиқ әнәнивий каллиндариму ишлитилиду. хитайда қәмәрийә калиндариға көрә йеңи йил башлинип, 12 һайванлиқ калиндарға көрә исим қойулиду.
хитай йеңи йил (йәни баһар байрими) ға хубей өлкисигә қарашлиқ вухән шәһиридин қисқиғинә вақитта нурғунлиған районларға тарқалған йеңи коронавируси (2019-nCoV) апити билән қәдәм қойди. йолға қойулған тәдбирләр даирисидә диний мәркәзләрниң һәммисиниң паалийәтлири иккинчи бир уқтуруш елан қилинғанға қәдәр мәний қилинди.
бу тәдбирләр даирисидә, пайтәхт бейҗиңдики муһим бутханилардин бирси болған лама бутханисиму тақивитилди.
йиңи йилниң түнҗи күни қаидә бойичә ибадәтхана, бағча вә бутханиларға қарап ақидиған хитай хәлқи, чашқан йилиниң түнҗи күнидә бутхланиларға баралмиди. бирақ бәзи хитайлар бутханиларниң сиртиға топлинип, паалийәтлирини давамлаштурди.
йәнә бир тәрәптин хитайдики барлиқ диний вә етиқадий җайларни өз ичигә алған тәдбирләр даирисидә, бейҗиңдики җамә вә чиркавларниңму дәрвазилириға, иккинчи бир уқтуруш елан қилинғанға қәдәр печәтләнгәнликигә даир еланлар чапланди.
бейҗиңдики нийуче җамәси вә ваңфуҗиң кочисидики чиркавғиму мәзкур еланларниң чапланғанлиқи көрүлди.
хитай әнәнисидә, чашқан йилида туғулған кишиләр тез инкас қайтуридиған, охшаш болмиған муһитларға асан маслишалайдиған вә сәнәткә майил болиду, дәп қарилиду.
хитайниң чашқан йили 2021 – йили 11 - февралда ахирилишиду.
хитай йиңи йили хитайдин башқа йәнә, малайшийа, һендонезийә, тайланд вә йапонийә қатарлиқ асйа дөләтлиридиму тәбриклиниду.
