firansiyede bügün yene bir xitayda koronawirusi bayqaldi

bügünki bayqash bilen firansiyede jemiy 3 xitay puqrasida koronawirusi bayqalghan boldi.

firansiyede bügün yene bir xitayda koronawirusi bayqaldi

 

türkiye awazi radiyosi xewiri: firansiyening paytexti parizhda bügün üchinchi bir xitay puqrasidimu koronawirusi (2019-nCoV) bayqaldi.

firansiye sehiye ministriliqidin élan qilinghan bayanatta, xitaydin kelgen bir sayahetchide yéngi tipliq koronawirusi (2019-nCoV) bayqilip, derhal parizhda karanténagha élinghanliqi bildürüldi.

firansiye sehiye ministiri agéns boziyin tünügün axsham élan qilghan bayanatida bordéuks we parizh sheherliride xitaydin kelgenlerde koronawirusi (2019-nCoV) bayqalghanliqini bildürgen hemde yawropadiki bashqa jaylardimu bu ehwalning körilish éhtimali barliqi heqqide agahlandurush élan qilghan idi.

malayshiyaning johor ölksidimu koronawirusi (2019-nCoV) bilen yuqumlanghanliq éhtimalini nezerde tutup, karéntinagha élingham 8 neper xitay sayahetchidin 3 kishide wirus bayqaldi.

malashiya sehiye ministiri doktor dizulkeyf ehmed koronawirusi (2019-nCoV) bilen yuqumlanghan kishilerning eslide, düshenbe küni singaporda bu wirus bayqalghan 66 yashliq xitay puqrasining ayali we 2 newrisi ikenlikini élan qildi.

malashiya sehiye ministiri doktor dizulkeyf ehmed singaporda karanténagha élinghan xitay puqrasining 65 yashliq ayalida shundaqla 2 we 11 yashliq 2 newrisidimu bu wirus bayqilip, malayshiyada karanténagha élinghanliqini bildürdi.  

bimarlarning johor baru shehiridiki sungay bulosh doxturxanisida balnéstqa élinghanliqini we dawalashlarning dawamlishiwatqanliqi qeyt qilindi.

malashiya sehiye ministiri doktor dizulkeyf ehmed karanténagha élinghan bashqa 5 neper xitay sayahetchide bolsa, koronawirusi (2019-nCoV) bayqalmighanliqini, biraq téximu chongqur tetqiq qilish üchün bu xitay sayahetchilerni karanténa tutup turushni dawamlashturidighanliqini éytti.


خەتكۈچ: oronawirusi , firansiye

مۇناسىۋەتلىك خەۋەرلەر