фирансийәдә бүгүн йәнә бир хитайда коронавируси байқалди

бүгүнки байқаш билән фирансийәдә җәмий 3 хитай пуқрасида коронавируси байқалған болди.

фирансийәдә бүгүн йәнә бир хитайда коронавируси байқалди

 

түркийә авази радийоси хәвири: фирансийәниң пайтәхти парижда бүгүн үчинчи бир хитай пуқрасидиму коронавируси (2019-nCoV) байқалди.

фирансийә сәһийә министрилиқидин елан қилинған байанатта, хитайдин кәлгән бир сайаһәтчидә йеңи типлиқ коронавируси (2019-nCoV) байқилип, дәрһал парижда карантенаға елинғанлиқи билдүрүлди.

фирансийә сәһийә министири агенс бозийин түнүгүн ахшам елан қилған байанатида бордеукс вә париж шәһәрлиридә хитайдин кәлгәнләрдә коронавируси (2019-nCoV) байқалғанлиқини билдүргән һәмдә йавропадики башқа җайлардиму бу әһвалниң көрилиш еһтимали барлиқи һәққидә агаһландуруш елан қилған иди.

малайшийаниң җоһор өлксидиму коронавируси (2019-nCoV) билән йуқумланғанлиқ еһтималини нәзәрдә тутуп, карентинаға елинғам 8 нәпәр хитай сайаһәтчидин 3 кишидә вирус байқалди.

малашийа сәһийә министири доктор дизулкәйф әһмәд коронавируси (2019-nCoV) билән йуқумланған кишиләрниң әслидә, дүшәнбә күни сингапорда бу вирус байқалған 66 йашлиқ хитай пуқрасиниң айали вә 2 нәвриси икәнликини елан қилди.

малашийа сәһийә министири доктор дизулкәйф әһмәд сингапорда карантенаға елинған хитай пуқрасиниң 65 йашлиқ айалида шундақла 2 вә 11 йашлиқ 2 нәврисидиму бу вирус байқилип, малайшийада карантенаға елинғанлиқини билдүрди.  

бимарларниң җоһор бару шәһиридики сунгай булош дохтурханисида балнестқа елинғанлиқини вә давалашларниң давамлишиватқанлиқи қәйт қилинди.

малашийа сәһийә министири доктор дизулкәйф әһмәд карантенаға елинған башқа 5 нәпәр хитай сайаһәтчидә болса, коронавируси (2019-nCoV) байқалмиғанлиқини, бирақ техиму чоңқур тәтқиқ қилиш үчүн бу хитай сайаһәтчиләрни карантена тутуп турушни давамлаштуридиғанлиқини ейтти.



مۇناسىۋەتلىك خەۋەرلەر