firansiyediki namayishlargha 1 milyon 300 mingdin köprek kishi qatnashqanliqi ilgiri sürüldi

firansiyede hökümetning pinsiyonérliq islahitini emeldin qaldurushini qattiq telep qiliwatqan 100 minglighan kishi pütün dölet miqyasida pinsiyonérliq islahitigha qarshi namayish ötküzdi.

firansiyediki namayishlargha 1 milyon 300 mingdin köprek kishi qatnashqanliqi ilgiri sürüldi

türkiye awazi radiyosi xewiri: ishchilar uyushmilirining chaqiriqigha binaen jumhuriyet meydanigha toplashqan namayishchilar tarixiy konkord meydanghiche yürüsh qildi. 

namayishchilar pinsiyonérliq islahitini emeldin qaldurushni telep qilip, pirézidént makrongha qarshi shoarlarni towlidi we lozinkilarni achti.

parizh saqchi idarisidin élan qilinghan bayanatta, paytext parizhdiki namayishlarda 11 kishining nazaretke élinghanliqi bildürüldi.

firansiyening bashqa sheherliridimu namayishlar ötküzüldi.

dölet miqyasida ötküzüglen namayishlargha, ichki ishlar ministirliqining bildürüshiche, parizhda 31 ming kishi bolup, jemiy 249 ming kishi qatnashqan. biraq ishchilar uyushmilirining bildürishiche, parizhda 350 ming kishi bolup, jemiy dölet miqyasidiki namayishlargha 1 milyon 300 mingdin köprek kishi qatnashqan.

ishchilar oyushmiliri pinsiyonérliq islahitigha qarshi 29yanwarda qaytidin keng kölemlik namayish ötküzüsh chaqiriqi élan qildi.

pinsiyonérliq islahiti teklipi fransiye ministilar kéngishige sunuldi. aldimizdiki ayda dölet mejliside muzakire qilinghandin kéyin awazgha qoyulidu.

 


خەتكۈچ: namayish , firansiye

مۇناسىۋەتلىك خەۋەرلەر