iran amérikining kaani toghrisidiki tehditini eyiblidi

türkiye awazi radiyosi xewiri: iran tashqi ishlar ministirliqi bayanatchisi abbas musewi, amérika qoshma ishtatlirining qasim suleymanining öltürülüshidin kéyin iran inqilab muhapizetchiliri armiyesi qarmiqidiki quddus qisimliri qomandanliqigha teyinlengen mayor général ismail kaanigha tehdit sélishini eyiblidi.

bayanatchi abbas musewi bu heqte yazma bayanat élan qilip, amérika qoshma ishtatlirining iran alahide wekili brian xukning, «eger kaanimu amérikiliqlarni öltürüsh yolini tutup mangsa (qasim suleymanigha) oxshash aqiwetke qalidu» dégen sözlirige naraziliq bildürdi.

«kaanigha tehdit sélinishining amérika qoshma ishtatliri yürgüzüwatqan dölet térrori üstidiki perdining élip tashlinishi we térrorizmning resmiylikke ige bolushi dégenlik bolidighanliqi»ni eskertken musewi, xelqara jemiyettin «dölet térrorining teshwiq qilinishini eyibleshliri»ni telep qildi.

amérika qoshma ishtatlirining 3 – yanwarda baghdad ayrodurumida iran inqilab muhapizetchiliri quddus qisimliri qomandani qasim suleymanini hawa hujumi arqiliq öltürüshidin kéyin, iran 8 – yanwarda amérikining iraqtiki eyn elesed we erbil bazilirigha bashqurulidighan bomba ishlitip hujum qilghanidi.