wirus apiti؛ tibet we chingxeydin bashqa xitayning barliq rayonlirighiche kéngeydi

xitay maliye ministiriliqi wuxendiki apetke qarshi turush üchün aran 1 milyard yüen (yeni 144 milyon dollar) ayrighanliqini jakarlidi.

wirus apiti؛ tibet we chingxeydin bashqa xitayning barliq rayonlirighiche kéngeydi

türkiye awazi radiyosi xewiri: xitayning wuxen shehiride otturigha chiqqan yéngi tipliq koronawirusi (2019-nCoV) apiti yüzisidin 830 kishi yallughlandi we 25 kishi öldi.

tibet aptonom rayoni we chingxey ölkisidin bashqa xitaydiki barliq rayon we alahide memuriy rayonlarghiche keng tarqalghan koronawirosi (2019-nCoV) bilen yuqumlanghanlarning sani 830 gha chiqti. bulardin 177 kishining ehwali intayin éghir.

yene bir tereptin yuqumlanghan kishiler bilen uchrashqan kishiler arisidin doxturxanida közitish astigha élinghanlarning sani 8420 kishige yetti. wirus yuqqan bolush éhtimali yuqiri kishilerning sani bolsa, 1072 kishige örligenliki élan qilindi.

bezi sheherlerde may qachilash ponkiti, doxturxana, dora dukkini we kündilik éhtiyajliq buyumlar magézinliridin bashqa barliq soda saray, shirket we organlar waqitliq ish toxtatti. buning bilen birge yene, bezi sheherler arisidiki qatnash yolliri qismen qatnashtin toxtitildi.

xubéy ölkilik hökümet teripidin élan qilinghan bayanatta, ölkidiki barliq sayahet shirketlirining paaliyetlirining waqitliq toxtitilghanliqi élan qilindi.

uniwérsitétlar, bashlanghuch we ottura mekteptin bashqa yene, yeslilerningmu oqush bashlash waqti kéchiktürüldi. sheherdiki saqchi we herbiy qisim xadimlirining dem élishliri emeldin qalduruldi.

bu jeryanda, xitay maliye ministiriliqi wuxendiki apetke qarshi turush üchün aran 1 milyard yüen (yeni 144 milyon dollar) ajratqanliqini jakarlidi.

 


خەتكۈچ: wirus apiti , xitay

مۇناسىۋەتلىك خەۋەرلەر