пәләстин «йүз йилниң келишими» тоғрисида алақидар тәрәпләрни агаһландурди
пәләстин пирезидентлиқ мәһкимиси «йүз йилниң келишими»ниң рәт қилинған шәкли бойичә елан қилинмаслиқи тоғрисида агаһландуруш байанати елан қилди.
түркийә авази радийоси хәвири: пәләстин пирезидентлиқ мәһкимиси байанатчиси нәбил әбу рудәйнә йазма байанат елан қилип, йүз йилниң келишими рәт қилинған шәкли бойичә елан қилинған тәқдирдә, пәләстин даирилириниң қануний һәқ – һоқуқлириниң муһапизәт қилиниши үчүн тегишлик қәдәмләрни ташлайдиғанлиқини ейтип агаһландурди.
байанатта, «бир ишғалчи һөкүмәт болуш сүпити билән исраилийәдин қизил сизиқлардин һалқишниң барлиқ җавабкарлиқини үстигә елишини тәләп қилимиз» дегән ибариләргә орун берилди.
«исраилийә 12» вә «исраилийә 13» қаналлири исмини ашкарилашни халимиған бир америка әмәлдарниң сөзлирини мәнбә қилған һалда, ақсарайниң 24 саәт ичидә йүз йилниң келишими тоғрисида тәпсилий байанат елан қилидиғанлиқини хәвәр қилғаниди.
йәнә бир тәрәптин исламий қаршилиқ көрситиш һәрикити - һамас байанатчиси һазим қасимму бу һәқтә йазма байанат елан қилип, мәзкур келишимгә алақидар уқтурушниң америка сайламлиридин илгири оттуриға чиқирилишиниң һәйран қаларлиқ иш икәнликигә ишарәт қилип өтти.
«бу йүзйилниң келишиминиң мақуллинишиға мунасивәтлик барлиқ тиришчанлиқлар, хәлқимизниң қәддини тик туруп туруши вә қаршилиқи алдида парчилиниду» дегән қасим, пәләстин хәлқиниң өз келәчикини өзи бәлгиләйдиғанлиқини тәкитләп өтти.
