yawropada ayallargha zorluq - zombuluq qilish qilmishliri barghanséri éghirlashmaqta
yawropada ayallargha zorluq – zombuluq qilish qilmishlirining barghanséri éghirlishiwatqanliqi ilgiri sürüldi.
türkiye awazi radiyosi xewiri: yawropa istatistika ishxanisining 2017 – yilidin buyan uchur toplash arqiliq teyyarlighan eng yéngi doklatigha qarighanda, firansiye eng köp ayallargha alaqidar jinayetler sadir qilinghan dölet iken.
doklatta körsitilishiche, firansiye, gérmaniye we engliye ayallar jinayetke eng köp qurban bolupkétidighan yawropa ittipaqi ezasi döletler bolup, firansiyede bir yilda 601 ayal öltürülgen, engliyede bolsa, her üch ayalning biri zorawanliqqa duchar bolidiken.
gérmaniyede 380, engliyede 227, ispaniyede 113 ayal erler teripidin qetl qilinghan. italiyede bolsa, 2018 – yili 142 ayal öltürülgen.
türkiye büyük millet mejlisi (parlaménti) ning ayallar – erler purset barawerliki komitétining doklatigha asaslanghanda, yawropa ittipaqida 15 yashtin chong her üch ayalning biri bir erning jismaniy yaki jinsiy zorluqigha duch kélidiken.
