америкиниң йәнә 7 дөләткә виза чәклимиси қойушни пиланлаватқанлиқи илгири сүрүлди

түркийә авази радийоси хәвири: америка таратқолириниң хәвәр қилишичә, доналд трамп һөкүмити беларусийә, еритерийә, қирғизистан, бирма, нигерийә, судан вә танзанийә қатарлиқ дөләтләргә виза чәклимиси қойушни пиланлимақта икән.

ақсарайдики йуқири дәриҗилик бир әмәлдарниң, тизимликниң техи җәзмләштүрүлмигәнликини, йәнә кәм дегәндиму бир дөләтниң бу тизимликкә киргүзүлүш еһтимали барлиқини билдүргәнлики қәйт қилинди.

мәзкур пиланниң, тизимликкә киргүзүлидиған дөләтләрниң пуқралириниң америка қошма иштатлириға киришини тосушни әмәс, иқамәт, сайаһәт вә сода визилириға көрүнәрлик дәриҗидә чәклимә қойушни нишан қилидиғанлиқи әскәртилди.

йәнә бир тәрәптин, тәпсилати ашкариланмиған пиланға даир хизмәтләрниң тамамлинишидин кейин ақсарайниң бу һәқтә байанат елан қилидиғанлиқи билдүрүлди.

америка пирезиденти доналд трамп, һоқуқни тапшуруп елип бир һәптә өткәндин кейин, йәни 2017 – йили 27 – йанварда иран, сүрийә, ливийә, йәмән, сомали, чад вә шималий корейәгә сайаһәт чәклимиси қойған, қарар кәң көләмлик наразилиқ намайишлириға сәвәб болғандин  кейин, пиландин ваз кечишкә мәҗбур болғаниди.

кейинчә, «мәсулийәтлирини ада қилғанлиқи» үчүн чад мәзкур тизимликтин чиқириветилгән, сайаһәт чәклимиси йумшитилип иҗра қилинишқа башлиған болсиму, һаваи вә марйланд иштатлиридики содийәләрниң қарарниң дөләт миқйасида иҗра қилинишини тохтитип қойуш өткилигә дуч кәлгәниди.

америка йуқири соти, өткән йили ийун ейида трампниң бәзи мусулман дөләтләрни өз ичигә алған 7 дөләткә қаратқан сайаһәт чәклимисини 4 кә қарши 5 аваз билән мақуллап, униң америка асасий қануниға уйғун икәнликини елан қилғаниди.