фирансийә пирезиденти макрон исраилийә сақчиси билән җедәлләшти

фирансийә пирезиденти макрон ишғалийәт астидики шәрқий қуддусқа җайлашқан вә фирансийә земини дәп етирап қилинидиған саинт аннә чиркавини зийарәт қилиш әснасида, исраилийә сақчиси билән җедәлләшти.

1345798
фирансийә пирезиденти макрон исраилийә сақчиси билән җедәлләшти

түркийә авази радийоси: иҗтимаий таратқуларда тарқалған көрүнүшләрдә, макронниң шәрқий қуддустики саинт аннә чиркави алдида, йенидики исраилийә сақчисиниң ичигә кирмәслики керәкликини тапилайду. 

макрон һәммәйләнниң қаидиләрни билидиғанлиқини тилға елип, исраилийә сақчисиға қаратқан һалда: «сениң алдимда қилғанлириңни пәқәтла йахтурмидим, дәрһал чиқип кәт!» дәйду.

көрүнүшләрдә йәнә, фирансийә пирезиденти макронниң исраилийә сақчисидин қаидиләргә бойсуниши керәкликини тәләп қилип, «йүзлигән йиллардин буйан мәвҗут болуп келиватқан қаидиләр мениң үчүн өзгәртилмәйду» дегәнлики аңлиниду.

йәнә бир тәрәптин исраилийә ахбаратида чиққан хәвәрләрдә, исраилийә сақчисиниң макрон билән фирансийәниң земини дәп қобул қилинған саинт аннә чиркавиға кирмәкчи болғинида талаш тартиш йүз бәргәнлики қәйт қилинди. 

фирансийә перезиденти макрон 5 - нөвәтлик хәлқара колокост (қирғинчилиқ) мунбири йиғиниға қатнишиш үчүн исраилийәгә барған вә баш министир бинйамин нетанйаһу билән көрүшкән иди.



مۇناسىۋەتلىك خەۋەرلەر