путин йеңи министирлар кеңишини тәстиқлиди

русийә пирезиденти владимир путин баш министир михаил мишустин (Mihail Mişustin) тәшкиллигән министирлар кеңишини тәстиқлиди.

1345043
путин йеңи министирлар кеңишини тәстиқлиди

түркийә авази радийоси хәвири: путин тәстиқлиған йеңи кабентта, ташқи ишлар министири сергей лавров, дөләт мудапиә министири сергей шойгу, енергийә министири александр новак, ички ишлар министири владимир колоколтсевлар өз орнини сақлап қалди. иқтисад, әдлийә, тәнтәрбийә вә мәдәнийәт министирлириниң орни алмашти.

биринчи муавин пирезидент вә малийә министири антон силуанов (Anton Siluanov) ниңму өз орнини сақлап қалған йеңи һөкүмәттә, биринчи баш министир муавинлиқи вәзиписигә, путинниң иқтисадий мәслиһәтчиси андрей беловсов (Andrey Belousov) тәйинләнди.

иқтисадий тәрәққийат министирлиқиға, перм валйси максим решетников (Maksim Reşetnikov) вәзипигә тәйинләнди.

йеңи һөкүмәттә, муавин баш министирларниң сани 10 дин тоққузға қисқартилди.

путин йеңи кабент билән өткүзгән биринчи йиғинда, кабент әзалириға мувәппәқийәт тилиди. баш министир мишустин нопус, сәһийә вә параванлиқ ишлирини гүлләндүрүш ишлирида бәлгиләнгән вәзипиләрниң тез сүрәттә иҗра қилиниши керәкликини тәкитлиди.



مۇناسىۋەتلىك خەۋەرلەر