donald trampni öltürgen kishige 3 milyon dollar mukapat

iran parlamént ezasi ehmed hemze amérika pirézidénti donald trampni öltürgen kishige 3 milyon dollar mukapat béridighanliqini élan qildi.

donald trampni öltürgen kishige 3 milyon dollar mukapat

türkiye awazi radiyosi: ehmed hemze iran parlaméntigha qirman wilayitige qarashliq kehnuch shehiridin ezaliqqa saylanghan bolup, amérika hujumida ölgen qasim sulaymanining qirmanliq ikenlikini we qirman xelqi namidin donald trampni öltürgen kishige 3 milyon dollar mukapat béridighanliqini jakarlap, «qirman xelqi namidin trampni öltürgen kishige neq 3 milyon dollar mukapat bérimiz» dédi.

amérika hökümiti yadro kélishimidin öz aldigha chikinip chiqqandin kéyin donald trampning yawropa döletlirining iran bilen bolghan kélishimdiki menpeetlirini qoghdash üchün héchqandaq qedem tashlimighanliqini tekitligen ehmed hemze, iran hökümitige yadroluq qorallarning kéngiyishining aldini élish kélishimidin chiqip kétip, yadroluq qoral ishlep chiqirish chaqiriqida boldi.

iran parlamént ezasi ehmed hemze: «bügünki künde yadroluq qoralgha ige bolghan bolsaq iduq, tehditlerge duch kelmigen bolattuq. emdilikte yawropaningmu ehdinamiliridin yéniwalghanliqigha qarighanda, eng qisqa waqitta yadroluq partlashlarni ishqa ashurup, yadroluq küchler külübigha qétilghanliqimizni dunyagha jakarlap qoyushni tewsiye qilimen» dédi.


خەتكۈچ: iran , donald tramp

مۇناسىۋەتلىك خەۋەرلەر