берлиндә чақирилған ливийә конферансиниң хитабнамиси елан қилинди

германийә пайтәхти берлиндә ливийәдә узун муддәтлик уруш тохтитиш вә сийасий мусапини башлаш мәқситидә өткүзүлгән ливийә конферансиниң хитабнамиси елан қилинди.

берлиндә чақирилған ливийә конферансиниң хитабнамиси елан қилинди

түркийә авази радийоси хәвири: германийә пайтәхти берлиндә чақирилған ливийә конферансиниң хитабнамиси елан қилинди.

хитабнамидә, ливийә авам палатаси тәстиқлиған, бирләшмә, һәммини өз ичигә алидиған вә күчлүк тәсиргә игә һөкүмәтни қурушниң қоллашқа еришидиғанлиқи әскәртилиш билән биргә, ливийә сийасий келишиминиң, мәсилини сийасий йол билән һәл қилишта муһим һәрикәт пилани икәнлики қәйт қилинди.

«мәркизий вә хәлқ һакимийитиниң контроллуқ астида бирләшкән дөләт хәвпсизлик системисиниң қурулушини қоллаймиз» дейилгән хитабнамидә, бу даиридә сақчи вә һәрбий күчләрниң бир һакимийәт астида бирлишиши керәклики әскәртилди.

хитабнамидә, уруш тохтитишни иҗра қилишни контрол қилидиған вә назарәт қилидиған комитетларни қуруш үчүн б д т ға чақириқ қилинди вә шуниң билән биргә йәнә, б д т дин тәрәпләр оттурисида уруш тохтитиш музакирәлирини асанлаштуридиған рол ойниши тәләп қилинди.

хитабнамидә мундақ дейилди:

«уруш тохтитиш башланғандин тартип, тәрәпләрни вә қоллиғучилирини уруш тохтитишқа чақиримиз.»

ливийәдики барлиқ тәрәпләр, мәсилиләрни әркин, һәммини өз ичигә алидиған вә адаләт тәсис қилинған сайламлар билән ахирлаштуруштурушқа чақирилған хитабнамидә, «ливийәликләр тәрипидин башланған һәммини өз ичигә алидиған сийасий мусапә» гә қайтиш тәлипигә орун аҗритилди.

хитабнамидә йәнә: «б д т ниң һимайиси астида, берлин йиғинидин кейинму кординатсийәни давамлаштуруш үчүн хәлқаралиқ назарәт қилиш комитети қуримиз» дейилди.

берлин конферансиға қатнашқан барлиқ тәрәпләр вә хәлқаралиқ тәшкилатлар қатнашқан комитетиниң, б д т башчилиқида кординатсийәни капаләткә игә қилидиғанлиқи әскәртилгән хитабнамидә, йуқири дәриҗилик әмәлдарларниң қатнишиши билән һәр айда бир қетим топлинидиған комитетниң, мутәхәссисләр сәвийәсидә төт данә техникилиқ хизмәт гурупписини кз ичигә алидиғанлиқи қәйт қилинди.  



مۇناسىۋەتلىك خەۋەرلەر