исраилийә нәсруллаһқа тәһдит салди

исраилийә ташқи ишлар, қошумчә дөләт бихәтәрлик ишлири министири йисраел катз, ливандики һизбуллаһ тәшкилати баш катипи һәсән нәсруллаһқа «қоғдиниш орунлириниң уни қоғдийалмайдиғанлиқи»ни ейтип тәһдит салди.

исраилийә нәсруллаһқа тәһдит салди

түркийә авази радийоси хәвири: йисраел катз тивиттер адреси арқилиқ әрәб тилида байанат берип, нәсруллаһниң исраилийә баш министири бунйамин нетанйаһуға һуҗум қилиш вә исраилийәгә тәһдит селишни тохтатмиғанлиқини, нәсруллаһниң мушкулатлири еғирлашқансери «чоңчилиқи»ниңму еғирлишип маңғанлиқини илгири сүрүп, «иранлиқ хоҗайинлириниң, суйиқәст қилиниш еһтималлиқи барлиқи тоғрисида агаһландуруши билән нәсруллаһ, киривалған қоғдиниш орниниң йәнә бир қат астиға чүшүшкә мәҗбур болди. исраилийәгә доел елан қилишни давамлаштуридиған болса, панаһлиниш орниниң униңға пайдиси болмайду» деди.

исраилийә, һәсән нәсруллаһниң бир қанчә йилдин буйан суйиқәсткә учрап кетиштин қорқуп бир қоғдиниш орнида йашаватқанлиқини илгири сүрмәктә.



مۇناسىۋەتلىك خەۋەرلەر