трамп: суләйманиниң өтмүши қорқунчлуқ...

америка пирезиденти доналд трамп, өлтүрүлгән иранлиқ генерал қасим суләйманиниң «өтмүшиниң қорқунчлуқ» икәнликини ейтти.

трамп: суләйманиниң өтмүши қорқунчлуқ...

түркийә авази радийоси хәвири: америка пирезиденти доналд трамп, өлтүрүлгән иранлиқ генерал қасим суләйманиниң «өтмүшиниң қорқунчлуқ» икәнликини, униң америкиға нисбәтән йеқин хәвп пәйда қилип – қилмайдиғанлиқиниң муһим әмәсликини ейтти.

доналд трамп, суләйманиға қилинған америка һава һуҗуми вә униң вақтидин нарази болған демократик қанатқа тивиттердики адреси арқилиқ наразилиқ билдүрүп, «демократчилар вә йалғанчи медийа 20 йил бурун қилиниши керәк болған бир ишни пәқәт мән қилғанлиқим үчүнла террорчи суләйманини мукәммәл бир адәмдәк қилип көрситишкә тиришмақта. иқтисадий йаки һәрбий саһәдә қилған һәр бир ишим ашқун солчи идийәдики демократчилар тәрипидин кичиксинмәктә» деди.

йәнә бир тәрәптин суләйманиниң америка қошма иштатлириға нисбәтән җиддий хәвп пәйда қилғанлиқини билдүргән трамп, «йалғанчи хәвәр медийаси вә уларниң демократчи шериклири, суләйманиниң америка қошма иштатлириға йеқинда һуҗум қилишқа тәййарлинип – тәййарланмиғанлиқини тәкшүрмәктә. җаваб, күчлүк шәкилдә шундақ, бирақ (суләймани) қорқунчлуқ өтмүшкә игә болғанлиқи үчүн буниң әһмийити йоқ» дегәнләрни қәйт қилди.

доналд трамп, ирандики һөкүмәткә қарши намайишларда намайишчиларниң йәрдики америка байриқиға дәссимигәнликигә ишарәт қилип, вәқәгә «катта өзгириш» дәп баһа бәрди.



مۇناسىۋەتلىك خەۋەرلەر