shiwétsiye irandin tölem telep qildi

shiwétsiye iran teripidin xata halda étip chüshürüwétilgen ukraina hawa yolliri shirkitige ait yoluchilar ayropilanida qaza qilghan puqraliri üchün téhrandin tölem tölishini telep qildi.

shiwétsiye irandin tölem telep qildi

 türkiye awazi radiyosi xewiri: shiwétsiye tashqi ishlar ministiri an lindé ammiwi ortaqlishish tor béti Twitter sehipiside bu heqte élan qilghan bayanatida, iranning sitokholm bash elchisi seyd resul muhajirning iranda étip chüshürüwétilgen ukraina hawa yolliri shirkitige ait yoluchilar ayropilani weqesi toghruluq tashqi ishlar ministirliqigha chaqirtilghanliqini, uninggha qazani tekshürüsh üchün hemkarliq teklipi sunghanliqlirini tekitlep mundaq dédi: «uninggha, qazani téz waqit ichide tekshürüp bir terep qilish we weqede hayatidin ayrilghan puqralirimizning uruq – tughqanlirining qayghu – hesretlirini biraz bolsimu teskin tapquzush üchün téhran terepning mesuliyetni öz üstige élishini telep qilduq, hemde irandin shu weqede hayatidin ayrilghan shiwétsiye puqralirining yéqin – yoruqlirigha tölem tölishini telep qilduq.»

ukraina hawa yolliri shirkitige ait  « Boeing 737-800 » tipliq  yoluchilar ayropilani 8 – yanwar küni imam huméyni ayrodurumidin qozghilip anche uzun ötmeyla chüshüp ketkenidi.

qazada, iran, ukraina, kanada, afghanistan, gérmaniye, shiwétsiye we engliye puqraliridin teshkil tapqan 176 yoluchi bilen ayropilan xadimliri hayatidin ayrilghanidi.

iran ilgiri ret qilghan bolsimu, aridin üch kün ötkendin kéyin ayropilanni xata halda étip chüshürüwetkenliklirini uqturghanidi.



مۇناسىۋەتلىك خەۋەرلەر