руһани: айропиланни чүшүрүветиш кәчүрүшкә болмайдиған хаталиқтур

иран пирезиденти һәсән руһани, украина һава йоллири ширкити йолучилар айропиланиниң иран һава мудапиә системилири тәрипидин чүшүрүветилишиниң «кәчүрүшкә болмайдиған хаталиқ икәнлики»ни билдүрди.

руһани: айропиланни чүшүрүветиш кәчүрүшкә болмайдиған хаталиқтур

түркийә авази радийоси хәвири: иран пирезиденти һәсән руһани, украина һава йоллири ширкити йолучилар айропиланиниң иран һава мудапиә системилири тәрипидин чүшүрүветилишиниң «кәчүрүшкә болмайдиған хаталиқ икәнлики»ни билдүрүп, бу мәсилини йеқиндин көзитишни давамлаштуридиғанлиқини ейтти.

иран дөләт телевизийә қанилиниң хәвәр қилишичә, руһани теһранда сөз қилип, «айропиланниң чүшүп кетишидә бир бинормаллиқ бар дәп ойлап, айропиланниң қандақ чүшүп кәткәнликигә даир тәкшүрүшниң әң қисқа вақит ичидә нәтиҗиләндүрүлүшини тәләп қилдим. кәчүрүшкә болмайдиған бир хаталиқ барлиқи оттуриға чиққанда болса, бу һәқтә дәрһал җамаәтчиликкә мәлумат бериш тоғрисида йолйоруқ чүшүрдум» деди вә сөзини давамлаштуруп, «вәдә қилимәнки, һөкүмәт бу мәсилиниң айдиңлитишини йеқиндин көзитиду. әдлийә башқармиси, йуқири дәриҗилик бир содийәниң башчилиқида бир алаһидә сот мәһкимиси қуруши керәк. бу, адәттики бир дело әмәс вә пүткүл дунйаниң нәзири бу мәһкиминиң үстидә болиду» дегәнләрни қәйт қилди.

8 – йанварда теһран имам һусәйин хәлқара айродурумидин украинаниң пайтәхти киевға қарап йолға чиққан украина һава йоллири ширкитиниң бойең 737 типлиқ йолучилар айропилани қозғилип узун өтмәйла чүшүп кетип, айропиландики 176 адәм җенидин айрилғаниди.

айропиланниң иран армийәси тәрипидин бомба етип чүшүрүветилгәнлики тоғрисидики қарашларни рәт қилған теһран даирилири, вәқә йүз берип 3 күн өткәндин кейин йолучилар айропиланиниң «круз (сәйр) бомбиси» дәп қарилип, қисқа мусапилик башқурулидиған бомба билән сәвәнлик билән чүшүрүветилгәнликини етирап қилғаниди.



مۇناسىۋەتلىك خەۋەرلەر