hafter tünügün birdeklik hasil qilinghan urush toxtitish kélishimige imza qoymidi

rusiye tashqi ishlar ministirliqi, liwiyening sherqige hökümranliq qiliwatqan xelife hafterning tünügün birdeklik hasil qilinghan urush toxtitish kélishimige imza qoymastin paytext moskwadin ketkenlikini uqturdi.

hafter tünügün birdeklik hasil qilinghan urush toxtitish kélishimige imza qoymidi

türkiye awazi radiyosi xewiri: rusiye tashqi ishlar ministirliqi, liwiyediki tereplerning özara kélishishini qolgha keltürüsh xizmetlirining dawamlashturulidighanliqi qeyt qildi.

rusiyening «tass» xewer agéntliqining rusiye tashqi ishlar ministirliqi emeldarlirini menbe qilghan xewiride, liwiyening sherqiy qismigha hökümranliq qilip kéliwatqan général xelife hafterning terepler arisida birdeklik hasil qilinghan urush toxtitish kélishimige imza qoymastin moskwadin kétip qalghanliqi bildürüldi.

tünügün moskwada dölitimiz (türkiye jumhuriyiti) tashqi ishlar ministiri mewlüt chawushoghlu we dölet mudapie ministiri xulusi aqarning rusiyelik mensepdashliri bilen ötküzgen yighinida, liwiyede qerelsiz urush toxtitish élan qilish toghrisida yarishish hasil qilinghan؛ yighindin kéyin élan qilinghan bayanatta, liwiye milliy birlik hökümitining bash ministiri fayiz esserraj terepining kélishimge imza qoyghanliqi, hafter terepning bolsa, kélishim tékistini közdin kechürüsh üchün (bügün sehergiche) möhlet telep qilghanliqi bildürülgenidi.


خەتكۈچ: türkiye , rusiye , liwiye , hafter

مۇناسىۋەتلىك خەۋەرلەر