һафтәр түнүгүн бирдәклик һасил қилинған уруш тохтитиш келишимигә имза қоймиди

русийә ташқи ишлар министирлиқи, ливийәниң шәрқигә һөкүмранлиқ қиливатқан хәлифә һафтәрниң түнүгүн бирдәклик һасил қилинған уруш тохтитиш келишимигә имза қоймастин пайтәхт москвадин кәткәнликини уқтурди.

һафтәр түнүгүн бирдәклик һасил қилинған уруш тохтитиш келишимигә имза қоймиди

түркийә авази радийоси хәвири: русийә ташқи ишлар министирлиқи, ливийәдики тәрәпләрниң өзара келишишини қолға кәлтүрүш хизмәтлириниң давамлаштурулидиғанлиқи қәйт қилди.

русийәниң «тасс» хәвәр агентлиқиниң русийә ташқи ишлар министирлиқи әмәлдарлирини мәнбә қилған хәвиридә, ливийәниң шәрқий қисмиға һөкүмранлиқ қилип келиватқан генерал хәлифә һафтәрниң тәрәпләр арисида бирдәклик һасил қилинған уруш тохтитиш келишимигә имза қоймастин москвадин кетип қалғанлиқи билдүрүлди.

түнүгүн москвада дөлитимиз (түркийә җумһурийити) ташқи ишлар министири мәвлүт чавушоғлу вә дөләт мудапиә министири хулуси ақарниң русийәлик мәнсәпдашлири билән өткүзгән йиғинида, ливийәдә қәрәлсиз уруш тохтитиш елан қилиш тоғрисида йаришиш һасил қилинған؛ йиғиндин кейин елан қилинған байанатта, ливийә миллий бирлик һөкүмитиниң баш министири файиз әссәрраҗ тәрәпиниң келишимгә имза қойғанлиқи, һафтәр тәрәпниң болса, келишим текистини көздин кәчүрүш үчүн (бүгүн сәһәргичә) мөһләт тәләп қилғанлиқи билдүрүлгәниди.



مۇناسىۋەتلىك خەۋەرلەر