awstiraliyediki ot apiti kontrol astigha élindi

awstiraliyede bir qanche aydin buyan dawam qiliwatqan dala ot apitining bir qismini kontrol astigha élishning bashlanghanliqi élan qilindi.

awstiraliyediki ot apiti kontrol astigha élindi

türkiye awazi radiyosi xewiri: awstiraliye pazharni mesulliri hawa témpératurasining töwenlishi bilen, yéngi jenubiy gallér ishtatidiki otni öchürüshte uzun waqittin buyan tunji qétim yaxshi özgirishning yüz bergenlikini bildürüp, otning bir qismining kontrol astigha élinghanliqini qeyt qildi.

awstiraliye métérologiye idarisi hawa témpératurasining aldimizdiki heptidimu töwenleydighanliqini élan qildi.

2019-yili öktebirdin bashlap dawamlishiwatqan sidnéy shehiri etrapigha jaylashqan gospérs (Gospers) téghidiki otning yamghur sayisida kontrol astigha élinghanliqi qeyt qilindi.

awstiraliye miqyasida bir qanche aydin buyan kontrol qilinalmighan ot apiti sewebidin 10 milyon géktarliq jay ziyangha uchridi, 2 mingdin artuq kishining öyi köyüp külge aylandi, yérim milyon etrapida haywanlar köyüp ketti.

wiktoriya (Victoria) ishtatining bash ministiri daniyél endjrus (Daniel Andrews) ot apitining turalghu jaylirigha yéqinlishishi bilen texminen 4 ming kishi déngiz sahilida panahlanghan mallakuta (Mallacoota) ni öz ichige alghan alte rayon we bir yéza üchün apet agahlandurushi élan qilghan idi.

awstiraliye miqyasida séntebirdin bashlap dawamlashqan ot sewebidin 27 kishining jénidin ayrilghanliqi élan qilindi.


خەتكۈچ: awstiraliye , ot apiti

مۇناسىۋەتلىك خەۋەرلەر