iranda ayropilan qazasidin kéyin bashlanghan namayishlar tünügünmu dawam qildi

iranning paytexti téhranda ukraina ayropilanining chüshürüwétilishige naraziliq bildürüp ölüshkün bashlanghan hakimiyetke qarshi namayishlar tünügünmu dawamlashti.

iranda ayropilan qazasidin kéyin bashlanghan namayishlar tünügünmu dawam qildi

türkiye awazi radiyosi xewiri: téhrandiki azadi meydanida ötküzülgen namayishlarda, «düshminimiz bu yerde, yalghandin amérika qoshma ishtatliri déyishmekte», «dékatorgha ölüm», «méni pitnixor déme, pitnixor dégen sen» dégendek shoarlar towlandi.

xewpsizlik küchliri we inqilab muhapizetchiliri namayishchilargha tayaq we yash aqquzush gazlirini ishlitip mudaxile qildi.

sabiq pirézidént eli ekber hashimi rafsanjanining qizi faize hashimimu namayishlargha ishtirak qildi.

yene bir tereptin amérika pirézidénti donald tramp iranliq lidérlarni namayishchilarni öltürmeslikke chaqirdi؛ u tiwittér adrési arqiliq uchur tarqitip, «minglarche ademning alliqachan iran hakimiyiti teripidin öltürülgenliki yaki türmilerge tashlanghanliqi» ni ilgiri sürdi we sözini dawamlashturup, «dunya közetmekte, hemmidin muhimi amérika közetmekte. intérnétni échiwétinglar we muxbirlarning erkin heriket qilishigha ruxset qilinglar! büyük iran xelqinglarning öltürülüshini toxtitinglar!» dégenlerni qeyt qildi.

8 – yanwarda téhran imam huseyin xelqara ayrodurumidin ukrainaning paytexti kiéwgha qarap yolgha chiqqan boyéng 737 tipliq yoluchilar ayropilani qozghilip uzun ötmeyla chüshüp kétip, ayropilandiki 176 adem jénidin ayrilghanidi.

ayropilanning iran armiyesi teripidin bomba étip chüshürüwétilgenliki toghrisidiki qarashlarni ret qilghan téhran dairiliri, weqe yüz bérip 3 kün ötkendin kéyin yoluchilar ayropilanining «kruz (seyr) bombisi» dep qarilip, qisqa musapilik bashqurulidighan bomba bilen sewenlik bilen chüshürüwétilgenlikini étirap qilghanidi.


خەتكۈچ: namayish , iran

مۇناسىۋەتلىك خەۋەرلەر