иранда айропилан қазасидин кейин башланған намайишлар түнүгүнму давам қилди

иранниң пайтәхти теһранда украина айропиланиниң чүшүрүветилишигә наразилиқ билдүрүп өлүшкүн башланған һакимийәткә қарши намайишлар түнүгүнму давамлашти.

иранда айропилан қазасидин кейин башланған намайишлар түнүгүнму давам қилди

түркийә авази радийоси хәвири: теһрандики азади мәйданида өткүзүлгән намайишларда, «дүшминимиз бу йәрдә, йалғандин америка қошма иштатлири дейишмәктә», «декаторға өлүм», «мени питнихор демә, питнихор дегән сән» дегәндәк шоарлар товланди.

хәвпсизлик күчлири вә инқилаб муһапизәтчилири намайишчиларға тайақ вә йаш аққузуш газлирини ишлитип мудахилә қилди.

сабиқ пирезидент әли әкбәр һашими рафсанҗаниниң қизи фаизә һашимиму намайишларға иштирак қилди.

йәнә бир тәрәптин америка пирезиденти доналд трамп иранлиқ лидерларни намайишчиларни өлтүрмәсликкә чақирди؛ у тивиттер адреси арқилиқ учур тарқитип, «миңларчә адәмниң аллиқачан иран һакимийити тәрипидин өлтүрүлгәнлики йаки түрмиләргә ташланғанлиқи» ни илгири сүрди вә сөзини давамлаштуруп, «дунйа көзәтмәктә, һәммидин муһими америка көзәтмәктә. интернетни ечиветиңлар вә мухбирларниң әркин һәрикәт қилишиға рухсәт қилиңлар! бүйүк иран хәлқиңларниң өлтүрүлүшини тохтитиңлар!» дегәнләрни қәйт қилди.

8 – йанварда теһран имам һусәйин хәлқара айродурумидин украинаниң пайтәхти киевға қарап йолға чиққан бойең 737 типлиқ йолучилар айропилани қозғилип узун өтмәйла чүшүп кетип, айропиландики 176 адәм җенидин айрилғаниди.

айропиланниң иран армийәси тәрипидин бомба етип чүшүрүветилгәнлики тоғрисидики қарашларни рәт қилған теһран даирилири, вәқә йүз берип 3 күн өткәндин кейин йолучилар айропиланиниң «круз (сәйр) бомбиси» дәп қарилип, қисқа мусапилик башқурулидиған бомба билән сәвәнлик билән чүшүрүветилгәнликини етирап қилғаниди.


خەتكۈچ: намайиш , иран

مۇناسىۋەتلىك خەۋەرلەر