afghanistan hökümiti talibandin urush toxtitishni telep qildi

afghanistan pirézidéntliq mehkimisining bayanatchisi siddiq siddiqi hökümetning talibandin urush toxtitishni ijra qilishni telep qilghanliqini éytti.

afghanistan hökümiti talibandin urush toxtitishni telep qildi

türkiye awazi radiyosi xewiri: afghanistan pirézidéntliq mehkimisining bayanatchisi siddiq siddiqi twittérda bayanat élan qilip, afghanistan hökümitining talibandin zorawanliqning toluq menisi bilen aziyishi üchün urush toxtitishning ijra qilinishini telep qilghanliqini bildürdi.

u afghanistan hökümitining taliban bilen tinchliq uchrishishlirini bashlishi üchün urush toxtitishning shert ikenlikini eskertip, zorawanliqlarni azaytishning siyasiy we qanun nuqtisidin menisiz ikenlikini qeyt qildi.

u afghanistan hökümiti üchün tinchliqning, urushning axirlashqanliqi menisige ige ikenlikini tekitlidi.

u her türlük zorawanliq heriketlirining urush dep qarilidighanliqini, bu sewebtin otturigha qoyulghan tinchliq teklipining menige ige bolushi kéreklikini eskertti.

eshref ghéni hökümiti üchün chong tehdit hésablinidighan taliban térrorluq teshkilati, döletning köpligen jaylirida hakimiyitini saqlap kelmekte.

afghanistan hökümiti ötkenki yillarda taliban bilen tinchliq söhbetlirini bashlash üchün bir qanche qétim heriket qilip, bu dairide tinchliq kéngishini qurghan bolsimu, netije hasil qilinmidi.

sabiq pirézidént hamid karzayi mezgilide, hökümet bilen taliban otturisidiki uchrishishlarning 2013-yili iyun éyida qatar paytexti dohada ötküzülüshi pilan qilinghan idi. biraq, taliban ishxanisigha «afghanistan islam emirliki» dégen wiwiskini we bayriqini ésishi sewebidin, hökümet uchrishishtin waz kechken idi.

taliban ishxanisi aridin bir ay ötkende taqalghan we tinchliq muzakireliri waqitliq toxtitilghan idi.



مۇناسىۋەتلىك خەۋەرلەر