iran ukraina ayropilanining qara qutisini firansiyege ewetidighanliqini uqturdi
téhran, iran hawa mudapie sistémiliri teripidin «sewenlik» bilen chüshürüwétilgen ukraina hawa yolliri shirkitining yoluchilar ayropilanining qara qutisini firansiyege ewetishni qarar qildi.
türkiye awazi radiyosi xewiri: iran puqralar awiyatsiyesi orgini qaza ishliri ishxanisi bash mudiri hesen rizayifer iran resmiy xewer agéntliqi – irnagha bayanat bérip, iranning imkaniyetlirining ayropilanning qara qutisini oqushqa yetmeydighanliqini eskertip, «kanada, firansiye we amérika qoshma ishtatlirigha oxshash döletlerdin qara qutidiki uchurlarning chüshürülüshi üchün tégishlik yumtallarni irangha bérishini telep qilduq, biraq bu döletler iranning teklipini ret qildi» dédi.
shuning bilen qara qutini dunyadiki biterep we hörmetke sazawer tejribixanilarning biride oqutulushi üchün ukraina, shiwétsiye, engliye, kanada we amérika qoshma ishtatlirigha oxshash döletlerge ewetilishining muzakire qilinghanliqini eskertken rizayifer, «axirida qara qutining firansiyege ewetilishige qarar qilindi. bu besh döletmu qara qutining kodlirining firansiyede oqulushigha qoshuldi» dégenlerni qeyt qildi.
