иран, теһранниң украина йолучилар айропиланини етип чүшүрүвәткәнлики үчүн кәчүрүм сориди

түркийә авази радийоси хәвири: руһани, инсаний хаталиқ түпәйли сәвәнлик билән башқурулидиған бомба қойуп берилишиниң онлачә адәмниң өлүмини кәлтүрүп чиқарғанлиқини, бу хаталиқтин әпсусланғанлиқлирини билдүрүп, «бу, шундақла бир болуңға иттирип қойулидиған мәсилә әмәс. паҗиәниң сәвәби вә җавабкарлири үстидики тәкшүрүшләр давамлишиши, бу кәчүрүшкә болмайдиған хаталиқниң җавабкарлири үстидин қануний тәкшүрүш елип берилиши лазим. буниңдин башқа бу хил паҗиәләрниң тәкрарланмаслиқи үчүн дөләтниң һава мудапиә системисидики аҗиз нуқтилар тепип чиқилип, һәл қилиниши үчүн тегишлик чарә – тәдбирләр йолға қойулуши керәк» деди.

иран ташқи ишлар министири муһәммәд җәвад зәрифму украина һава йоллири ширкитиниң йолучилар айропиланиниң «хаталиқ билән» чүшүрүветилгәнлики түпәйли кәчүрүм сориди.

у тивиттер адреси арқилиқ байанат берип, айропиланниң чүшүрүветилиши мәсилисидә америкини әйибләп, «америкиниң җедәлхорлуқини арқа көрүнүш қилған киризис пәйтидә йүз бәргән бу инсаний хата, паҗиә йаратти. қаттиқ пушайман қилмақтимиз. хәлқимиздин, қурбанларниң аилә – тавабиатлиридин вә буниң тәсиригә учриған барлиқ милләтләрдин кәчүрүм сораймиз» дегәнләрни қәйт қилди.