sham namizi ötewatqan meschit jamaiti adem bomba hujumigha uchridi
pakistanning bélujéstan ölkisining kuétta shehirige qarashliq gusabad rayonidiki bir medrisining meschitide partlash yüz berdi.
türkiye awazi radiyosi xewiri: pakistanning bélujéstan ölkisining kuétta shehirige qarashliq gusabad rayonidiki bir medrisining meschitide partlash yüz bérip, biri saqchi, biri medrise imami bolup jemiy 15 adem jénidin ayrildi, 19 adem yarilandi, yaridarlardin üchining yarilinish ehwalining éghir ikenliki bildürüldi.
bélujéstan ölkilik waliyliq mehkimisi bayanatchisi liyaqat shahwani, hujumning bir adem bomba teripidin sadir qilinghanliqini bildürdi.
mehelliy taratqularning xewer qilishiche, neq meydandiki ehwallarni körgüchiler, partlashning 60 tek adem sham namizigha turghan peytte yüz bergenlikini, bezi kishilerning qistangchiliqta dessilip kétip yarilanghanliqini bildürgen.
hujumdin kéyin pakistan hökümiti we armiyesi hujumni eyiblep bayanat élan qildi. pakistan bash ministirliq mehkimisi, bash ministir imraxanning yaridarlarni pütkül imkaniyetlerni seperwer qilip dawalash we tégishlik tekshürüshning bashlinishi toghrisida buyruq chüshürgenlikini uqturdi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.