xuen guaydo wénézuéla parlaméntining reislikige saylinalmidi

wénézuélada özini «waqitliq pirézidént» dep élan qilghan xuen guaydo reislik wezipisini ötewatqan dölet parlaméntining reislikige, hakimiyet béshidiki partiyening qollishi bilen luis parra (Luis Parra) saylandi.

1335272
xuen guaydo wénézuéla parlaméntining reislikige saylinalmidi
Juan Guaido1.jpg

türkiye awazi radiyosi xewiri: luis parra hakimiyet béshidiki partiyening qollishi bilen, wénézuéla dölet parlaméntining reislikige saylandi.

 wénézuéla taratquliridiki xewerlerde körsitilishiche, xuen guaydo dölet parlaménti reislikige qayta saylanmaqchi bolghan. biraq, boliwarchi dölet muhapiizet qismi ezaliri xewpsizlik tedbirlirini alghan we bélet tashlashqa tosqunluq qilghan. netijide, dölet parlaméntining yéngi reisi saylanghan. xuen guaydoni öz ichige alghan nurghun öktichi parlamént ezasi parlaméntqa kirelmigen bolup, luis parra hakimiyet béshidiki wénézuéla birleshme sotsiyalist partiyesining parlamént ezalirining yardimide, parlaméntning reislikige saylanghan.

luis parrani reislikke saylighan we xuen guaydoning reislikini axirlashturghan parlamént yighilishida, bélet tashlanghan yaki tashlanmighanliqi éniq emes.

xuen guaydoning dawamliq reis bolushini telep qilghan öktichiler saylamning inawetsiz ikenlikini bildürdi.

öktichiler parlamént sirtida öktichi «él neshinal» (El Nacional) gézitining merkizide ötküzülgen saylamda, xuen guaydoning parlaméntning reislikige saylanghanliqini élan qildi. bildürülishiche, xuen guaydo gézit binasidiki bashqa namzat bolmighan saylamda, 100 awaz bilen saylanghan.

 amérikaning qollishidiki xuen guaydoning kishiliri teripidin bashquruluwatqan dölet parlaméntining ijtimaiy taratqu adrésidiki bayanatta, xuen pablo guanipa (Juan PabloGuanipa) ning luis parraning birinchi yardemchilikige saylanghanliqi qeyt qilindi.

wénézuéla pirézidénti nikolas maduroning qanunluq pirézidént emeslikini élan qilip, xuen guaydoning «waqitliq pirézidént» ikenlikini jakarlighan gherbning qollishi astidiki wénézuéla öktichiliri, bu qétimmu dölet parlaméntining reislikige saylanghan luis parraning qanunluq reis emeslikini élan qilishqa bashlidi.



مۇناسىۋەتلىك خەۋەرلەر