iranliq qomandan amérika teripidin öltürüldi

türkiye awazi radiyosi xewiri: amérika qoshma ishtatliri dölet mudapie ministirliqi teripidin bu heqte élan qilinghan yazma bayanatta, yüzlerche amérikiliqning ölümi we yéqinda  amérika qoshma ishtatlirining baghdad bash elchixanisida yüz bergen weqelerning jawabkari dep qariliwatqan iranning aldinqi qatarda turidighan qomandanliridin qasim sulaymanining öltürülgenliki, sulaymani nishan qilinghan bashqurulidighan bomba hujumi toghruluq pirézidént trampning biwasite yolyoruq chüshürgenliki eskertilip mundaq déyildi: «sulaymani iraq hem amérika puqralirining ölüp kétishi we yarilishini keltürüp chiqarghan, 27 – dékabirdiki hujumnimu öz ichige alghan yéqinqi birqanche ay boyiche iraqta élip bérilghan hujumlarning pilanlighuchisi idi. général sulaymani, mushu hepte amérika qoshma ishtatlirining baghdad bash elchixanisigha qilinghan hujumlarnimu testiqlighan shexs idi. bu hujum iranning kelgüsidiki hujumlirigha taqabil turush meqsitide élip bérildi.»

iraqliq yuqiri derijilik dairiler bolsa, hujumda sulaymanining sirtida, shie xelq eskerliri guruppisi heshdi shebining muawin qomandani mehdi elmuhendis we teshkilatning ayrodurum resmiyet ishliri xadimi muhemmed riza qatarliq  yene 7 kishining hayatidin ayrilghanliqini jakarlidi.

amérika qoshma ishtatliri pirézidénti donald tramp bolsa, amérika dölet mudapie ministirliqi bayanat élan qilip, birqanche minut ötkendin kéyin, ammiwi ortaqlishish tor béti Twitter sehipiside amérika bayriqini hembehirleshti.