мексикида бир түрмидә йүз бәргән җедәл – маҗирада нурғун мәһбус өлди
мексикидики бир түрмидә йүз бәргән җедәл – маҗирада 16 мәһбус һайатидин айрилди.
түркийә авази радийоси хәвири: мексика таратқулириниң хәвәр қилишичә, закатекас өлкисидики кенегуллас түрмисидә мәһбуслар қорал - йарағ, пичақ вә қаттиқ җисимлар билән бир - биригә һуҗум қилған, тәхминән 3 саәттин кейин контирол астиға елинған түрмидики җедәл – маҗирада мәһбуслардин 16 си өлгән, 5 и йариланған.
өлкилик дөләт хәвпсизлик ишлири мәсули исмаил камберос һернандезниң йәрлик таратқуларға бәргән байанатида әскәртишичә, вәқәдә дөләт хәвпсизлик күчлири арисида өлүш вә йарилиниш әһвали көрүлмигән. илгири мәзкур түрмидә һечқандақ қорал - йарағ йоқ болуп, җедәл – маҗирадин кейин елип берилған тәкшүрүшләр җәрйанида, 4 данә қорал, 9 йанфун, 17 пичақ вә зәһәрлик чекимлик қолға чүшүрүлгән.
қорал, йанфун вә зәһәрлик чекимликниң зийарәтчиләр тәрипидин кәлтүрүлгән болуш еһтималлиқи йуқири болуп, мәһбусларниң бәзиси оқ тегиш, бәзиси пичақ селиниш вә қаттиқ җисим билән урулуш нәтиҗисидә һайатидин айрилған.
