iraqliq général bash ministir namzatliqigha teyyar ikenlikini élan qildi
iraq térrorizmgha qarshi küresh orginining sabiq bashliqi léytinant général abdulgheni elesedi, bash ministirlik wezipisini öteshke teyyar ikenlikini élan qildi.
türkiye awazi radiyosi xewiri: abdulgheni elesedi qebile bashliqliri bilen ötküzgen uchrishishi esnasida bash ministirliqqa namzat ikenliki toghrisidiki xewerlerge isharet qilip, «men xelqning ewladimen. xelqning teleplirining sirtigha chiqalmaymen. bash ministirliq üchün xelqimizning barliq reng, irq we mezhepliri méni namzat qilip körsetse, bu manga küch béghishlaydu» dédi we sözini dawamlashturup, «xelqke xizmet qilish üchün wezipe öteshke teyyarmen» dégenlerni qeyt qildi.
irangha yéqinliqi bilen tonulghan bina birleshmisining esedini bash ministirliqqa namzat körsitidighanliqi ilgiri sürülgenidi.
iraqning daéshqa qarshi kürishide öz dewride aktip rol oynighan esedi, ötken yili noyabir éyida dem élishqa chiqqanidi.
iraqta 1 – öktebirdin buyan dawamlishiwatqan hökümetke qarshi namayishlar netijiside bash ministir adil abdulmehdi 29 – noyabirda wezipisidin istépa berdi.
