ھافتەر كۈچلىرى ئاھالىلەر رايونىغا ھۇجۇم قىلدى

تۈركىيە ئاۋازى رادىيوسى خەۋىرى: لىۋىيە مىللىي بىرلىك ھۆكۈمىتىنىڭ «غەزەپ ۋۇلقىنى» ناملىق زەربە بېرىش ھەرىكىتى قوماندانلىق مەركىزى يازما بايانات ئېلان قىلىپ، ھافتەر كۈچلىرىنىڭ ترابلۇسنىڭ ئەبۇسەلىم ئاھالىلەر رايونىغا ھۇجۇم قىلغانلىقىنى؛ ۋەقەدە بىر پۇقرانىڭ جېنىدىن ئايرىلغانلىقىنى، 6 ئادەمنىڭ يارىلانغانلىقىنى، يارىدارلار ئارىسىدىكى بىر بالىنىڭ سالامەتلىك ئەھۋالىنىڭ ناچار ئىكەنلىكىنى بىلدۈردى.

دۆلەتنىڭ شىمالىدىكى قوراللىق كۈچلەرنىڭ لىدېرى خەلىفە ھافتەر، 12 – دېكابىر پەيشەنبە كۈنى پايتەخت ترابلۇسنىڭ مەركىزىگە يېڭىدىن ھۇجۇم قوزغىغانلىقلىرىنى ئېلان قىلغانىدى.

ئۇ، 4 – ئاپرېلدىمۇ ترابلۇسنى قولغا كىرگۈزۈش ئۈچۈن ئەسكەرلىرىگە بۇيرۇق چۈشۈرۈپ، 48 سائەت ئىچىدە پايتەختنىڭ كونتروللۇقىنى قولىغا ئالىدىغانلىقىنى ئىلگىرى سۈرگەن؛ بۇنىڭغا قارشى لىۋىيە مىللىي بىرلىك ھۆكۈمىتى «غەزەپ ۋۇلقىنى» ناملىق زەربە بېرىش ھەرىكىتىنى باشلىغانىدى.