ottura afriqa jumhuriyitide yüz bergen toqunushta nurghun adem öldi
ottura afriqa jumhuriyitining paytexti bangida xelq eskerliri bilen ushshaq tijaretchiler otturisida yüz bergen toqunushta 35 kishi hayatidin ayrildi.
türkiye awazi radiyosi xewiri: yerlik taratqularning xewer qilishiche, musulmanlar nopus jehettin köp sanliqni teshkil qilidighan PK5 mehelliside xelq eskerliri bilen ushshaq tijaretchiler otturisida baj tölesh mesilisi sewebidin talash – tartish yüz bergen, talash – tartishning jédelge aylinip kétishi netijiside, ikki terep otturisida toqunush yüz bergen, toqunushta, mehelliliklerdin 23 i bolup, jemiy 35 kishi hayatidin ayrilghan, 50 tin artuq kishi yarilanghan, ushshaq tijaretchilerning dukanlirigha ot qoyup bérilgen.
dölette 2012 – yili ichki toqunushlar bashlanghandin buyan shunche köp tinchliq kélishimliri imzalanghan bolushigha qarimay, bangini öz ichige alghan köpligen sheherlerning weziyiti téxiche tinjimighan.
2013 – yili xiristiyan anti – balaka guruhi bilen musulman séléka guruppiliri otturisida yüz bergen we ichki urushqa aylinip ketken toqunushlarda minglarche kishi hayatidin ayrilghanidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
