ئوتتۇرا  ئافرىقا جۇمھۇرىيىتىدە يۈز بەرگەن توقۇنۇشتا نۇرغۇن ئادەم ئۆلدى

تۈركىيە ئاۋازى رادىيوسى خەۋىرى: يەرلىك تاراتقۇلارنىڭ خەۋەر قىلىشىچە، مۇسۇلمانلار نوپۇس جەھەتتىن كۆپ سانلىقنى تەشكىل قىلىدىغان PK5  مەھەللىسىدە خەلق ئەسكەرلىرى بىلەن ئۇششاق تىجارەتچىلەر ئوتتۇرىسىدا باج تۆلەش مەسىلىسى سەۋەبىدىن تالاش – تارتىش يۈز بەرگەن، تالاش – تارتىشنىڭ جېدەلگە ئايلىنىپ كېتىشى نەتىجىسىدە، ئىككى تەرەپ ئوتتۇرىسىدا توقۇنۇش يۈز بەرگەن،  توقۇنۇشتا، مەھەللىلىكلەردىن 23 ى بولۇپ، جەمئىي 35 كىشى ھاياتىدىن ئايرىلغان، 50 تىن ئارتۇق كىشى يارىلانغان، ئۇششاق تىجارەتچىلەرنىڭ دۇكانلىرىغا ئوت قويۇپ بېرىلگەن.

دۆلەتتە 2012 – يىلى ئىچكى توقۇنۇشلار باشلانغاندىن بۇيان  شۇنچە كۆپ تىنچلىق كېلىشىملىرى ئىمزالانغان بولۇشىغا قارىماي، بانگىنى ئۆز ئىچىگە ئالغان كۆپلىگەن شەھەرلەرنىڭ ۋەزىيىتى تېخىچە تىنجىمىغان.

2013 – يىلى خىرىستىيان ئانتى – بالاكا  گۇرۇھى بىلەن مۇسۇلمان سېلېكا گۇرۇپپىلىرى ئوتتۇرىسىدا يۈز بەرگەن ۋە ئىچكى ئۇرۇشقا ئايلىنىپ كەتكەن توقۇنۇشلاردا مىڭلارچە كىشى ھاياتىدىن ئايرىلغانىدى.