исираилийә: иранниң сүрийә билән ираққа орунлишишиға рухсәт қилмаймиз

исираилийә армийә иштаб башлиқи авив кохав иранниң сүрийә билән ираққа орунлишишиға рухсәт қилмайдиғанлиқлирини ейтти.

исираилийә: иранниң сүрийә билән ираққа орунлишишиға рухсәт қилмаймиз

түркийә авази радийоси хәвири: исираилийә армийә иштаб башлиқи авив кохав херзилйа шәһиридә өткүзүлгән конферанста сөз қилип, иран инқилабий муһапизәтчиләр армийәси тармиқидики қуддус күчиниң һәр күни тәрәққий қилдурулған қораллирини ираққа мәхпий киргзүватқанлиқини илгири сүрди.

у мундақ деди:

«буниңға рухсәт қилмаймиз, иранниң ирақ билән сүрийәгә орунлишишиға рухсәт қилмаймиз.»

у исираилийә билән иран оттурисида тоқунуш йүз бериш еһтимали үстидә тохтилип: «иран билән чәклик даиридә тоқунуш еһтимали мәвҗут, буниң үчүн тәййарлиниватимиз» деди.

2019-йили 19-ийул исираилийәниң «F-35» айропилани билән ирақниң салаһиддин вилайитигә җайлашқан амирли һәрбий базисидики иранниң башқурулидиған бомба қойуп бериш суписини, 28-ийулда болса, бағдадниң шәрқий шималиға җайлашқан һәрбий базидики иранниң башқурулидиған бомба қойуп бериш суписи бар искилатни бомбардиман қилғанлиқи илгири сүрүлгән иди. исираилийә даирилири әйни вақитта, буниңға һечқандақ инкас қайтурмиған иди.

исираилийә баш министири нетанйаһу 2019-йили авғуст ейида украина пайтәхти кийевдә байанат елан қилғанда: «иранниң ирақтики һәрбий нуқтилириниң ийул ейида исираилийә айропиланлири тәрипидин бомбардиман қилинғанлиқидин» бешарәт бәргән иди.



مۇناسىۋەتلىك خەۋەرلەر