afghanistanda bala ölümliri barghanséri köpeymekte

türkiye awazi radiyosi xewiri: uzun yillardin buya ichki urush we qurghaqchiliqning tömür tapini astida qattiq éziliwatqan afghanistan, balilar üchün dunya boyiche eng xeterlik döletlerdin biri bolushni dawamlashturmaqta.

birleshken döletler teshkilati balilargha yardem fondi jemiyitining doklatigha asaslanghanda, afghanistanda 2019 – yilning deslepki 9 éyi ichide zorawanliq sewebidin her küni otturiche 9 bala ölüp kétidiken, yaki mejruh bolup qalidiken. balilar ölümliri we yarilinish ehwalliri eng köp körülidighan wilayetler, kabul, nangarxar, paktiya, hélmand we qendihar iken. afghanistanda ikki milyon bala yéterlik derijide uzuqlinalmasliq we süpetsiz uzuqlinish sewebidin türlük késelliklerge giriptar bolghan bolup, dölettiki zorawanliq weqelirining éghir zerbisige uchrighan köp sandiki balilar pisxologiyelik késellikler patqiqigha pétip qalmaqta iken.