афғанистанда тоқунуш йүз бәрди
афғанистанниң гор вилайитидә талибан билән хәвпсизлик күчлири арисида тоқунуш йүз берип, 3 нәпәр хәвпсизлик хадими җенидин айрилди.
1324312
түркийә авази радийоси хәвири: гор вилайити валийси ғулам насир һази мәтбуатқа байанат берип, хәвпсизлик күчлири дәвләтйар наһийәсидә талибанға зәрбә бериш һәрикити елип бериватқан әснасида тоқунуш йүз бәргәнликини, тоқунушта үч хәвпсизлик хадиминиң җенидин айрилғанлиқини, 9 иниң йариланғанлиқини, қарши тәрәптин 23 қораллиқ унсурниң бир тәрәп қилинғанлиқини билдүрди.
валий ғулам насир һази, зәрбә бериш һәрикити арқилиқ талибанниң контроллуқи астидики бир қанчә йезиниң тазиланғанлиқини тәкитлиди.
талибан тәрәп вәқә тоғрисида һазирғичә байанат бәрмиди.
йәнә, афғанистанниң ғәрбий қисмидики һират вилайитиниң 10 – районида вәзипә өтәйдиған сақчилар кимлики намәлум кишиләрниң қораллиқ һуҗумиға учриди؛ вәқәдә үч сақчи өлди, һуҗумчилар қечип кәтти.
