xitayning ikki diplomati chégradin qoghlap chiqirilghan

xitayning washingtondiki ikki diplomati sezgürlüki yuqiri bolghan herbiy bazigha kirgenliki üchün mexpiy halda chégradin qoghlap chiqirilghan.

1323832
xitayning ikki diplomati chégradin qoghlap chiqirilghan

türkiye awazi radiyosi xewiri: niyu york taymés (New York Times) géziti amérikaning séntebir éyida (2019) washigtondiki xitay elchixanisining ikki diplomatini sezgür bolghan bir herbiy bazigha aptomobilliri bilen ruxsetsiz kirgenliki üchün mexpiy halda chégradin qoghlap chiqarghanliqini xewer qildi.  

niyu yok gézitining xewiride körsitilishiche, xitayning washington elchixanisida xizmet qilidighan ikki diplomat ayallirini élip, aptomobil bilen wirjiniye ishtatidiki bir herbiy bazining tekshürüsh nuqtisida toxtitilghan. diplomatlar rayongha kirish ruxsiti bolmighanliqi üchün qaytip kétishi heqqide agahlandurulghan, biraq xitay diplomatlar agahlandurushqa qarimay yolini dawam qilghan. netijide, ot öchürüsh aptomobili xitay diplomatlirining aptomobilining aldini tosqan. xitay diplomatlar amérikaliq mesullargha inglizche agahlandurushlarni chüshenmigenlikliri üchün izip qalghanliqini éytqan.

amérikaliq mesullar yüz bergenlerge ishenmigenliklirini we xitay diplomatlarning xewpsizlikni sinap béqish meqsitide, herbiy bazigha kirishke urunghan bolushi mumkinlikini ilgiri sürgen.

niyu york taymés géziti séntebir éyida xitay diplomatlirining mexpiy halda washingtondin qoghlinish weqesini, amérika-xitay her ikki terepning ashkarilimighanliqini bildürüp, mezkur weqening amérika pirézidénti donald tramp hökümitide, xitayning amérikada jasusluq heriketlirini kéngeytiwatqanliqi toghrisidiki endishelirini kücheytiwetkenlikini qeyt qildi.

xewerde, amérikaliq mesullarning jasusluq mesiliside xitaygha qattiq pozitsiyede bolghanliqi tekitlendi.

amérika 1987-yilimu xitayning washington elchixanisidiki ikki diplomatni chégradin qoghlap chiqarghan.  



مۇناسىۋەتلىك خەۋەرلەر