gutérrs kilimat mesiliside xelqarani tenqid qildi
b d t bash katipi antoniyo gutérrs ispaniye paytexti madridtiki «b d t kilimat özgirishi terepler konféransi» (COP25) netijilirining, kishini ümidsizlendüridighanliqini bildürdi.
türkiye awazi radiyosi xewiri: b d t bash katipi antoniyo gutérrs yazma bayanat élan qilip, xelqaraliq jemiyetlerni kilimat özgirishining tesirini azaytish, maslishish we kilimat özgirishige qarshi turush üchün yéterlik derijide tégishlik iqtisad chiqirishni xalimasliq bilen tenqid qildi.
u 2050-yilighiche ilim-penning telipi boyiche, karbon qoyup bérish nisbitini 0 ge chüshürüsh we yer sharining issishini 1.5 giradusta kontrol qilish nishanigha yétish üchün barliq döletlerning bergen wediside turushi mesiliside qetiy irade bilen xizmet qilidighanliqlirini qeyt qildi.
ispaniye paytexti madrid sahibxanliq qilghan «b d t kilimat özgirishi terepler konféransi» ning ikki kün uzartilghan xitabnamisi, tünügün (15-dékabir) teleplerge jawab bermigen qararlar bilen élan qilindi.
konféransning xitabnamisi, kilimat özgirishi yighinining 25 yilliq ötmüshide eng uzun waqitta chiqirilghan xitabname bolup tarixqa yézildi.
kélimat özgirishige qarshi turushta milliy menpeetliri toghrisida oxshimighan pikir oxshimasliqliri bolghan döletler, karbo qoyup bérish miqdarining tarqitilishi, muhitning bir pütünlishishi we iqtisad ajritish mesililiridiki pikir ixtilaplirini hel qilalmidi.
b d t 26-nöwetlik kilimat özgirishi terepler konféransi kéler yili shotlandiyening glasgow (Glasgow) shehiride ötküzülidu.
