béyjing amérikining xitay diplomatlarni chégradin qoghlap chiqirish qararigha naraziliq bildürdi

xitay, amérika qoshma ishtatlirining xitay diplomatlarni «jasusluq paaliyetlirige arilishish» bilen eyiblep chégradin qoghlap chiqirishigha naraziliq bildürdi.

1324185
béyjing amérikining xitay diplomatlarni chégradin qoghlap chiqirish qararigha naraziliq bildürdi

türkiye awazi radiyosi xewiri: xitay tashqi ishlar ministirliqi bayanatchisi géng shuang béyjingda ötküzgen muxbirlarni kütüwélish yighinida, amérika terepning xitay diplomatlarni «jasusluq» bilen eyiblishining asassiz ikenlikini eskertip, washington dairilirigha naraziliq bildürgenliklirini éytti.

u, «amérika qoshma ishtatlirini xataliqini waqtida tüzütiwélishqa, munasiwetlik qararini emeldin qaldurushqa, xitay diplomatlarning hoquqlirini wiyénna ehdinamisige asasen muhapizet qilishqa chaqirimiz» dédi we özara diplomatik munasiwetlerning wiyénna ehdinamisige asasen ornitilghanliqini tilgha élip ötti.

amérikining niyu york waqti géziti, séntebir éyida amérikidiki bir herbiy rayongha ijazetsizla kirgen xitayning washingtondiki elchixanisida ishleydighan ikki diplomatning chégradin qoghlap chiqirilghanliqini xewer qilghanidi.

xewerde, mezkur ikki diplomatning ayalliri bilen birlikte olturghan aptomobilining wiriginiye ishtatidiki bir herbiy bazining tekshürüsh nuqtisida toxtitilghanliqi, biraq, ularning rayongha kirish ijazetnamisining yoqluqigha qarimay, yolini dawamlashturghanliqi qeyt qilinghanidi.


خەتكۈچ: #jasus , #diplomat , #xitay , #amérika

مۇناسىۋەتلىك خەۋەرلەر