دونالد ترامپ خىتاي بىلەن بىرىنچى باسقۇچلۇق سودا كېلىشىمى ئۈستىدە كېلىشكەنلىكىنى ئېلان قىلدى
ئامېرىكا پىرېزىدېنتى دونالد ترامپ خىتاي بىلەن ئۆتكۈزۈلگەن مۇزاكىرىلەردە، بىرىنچى باسقۇچلۇق سودا كېلىشىمى ئۈستىدە كېلىشىپ قالغانلىقىنى ئېلان قىلدى.
تۈركىيە ئاۋازى رادىيوسى خەۋىرى: دونالد ترامپ تىۋىتتېردا ھەمبەھىرلەشكەن ئۇچۇرىدا، «خىتاي بىلەن كەڭ دائىرىلىك بىرىنچى باسقۇچلۇق سودا كېلىشىمى ئۈستىدە پۈتۈشتۇق. خىتاي بەزى قۇرۇلما خاراكتېرلىك ئۆزگىرىشلەرنى ئېلىپ بارىدۇ ھەمدە كۆپ مىقداردا يىزا ئىگىلىكى مەھسۇلاتى، ئېنېرگىيە، تەييار مەھسۇلات ۋە باشقا نۇرغۇنلىغان نەرسىلەرنى سېتىۋېلىشقا ماقۇل بولدى» دېدى.
دونالد ترامپ خىتاينىڭ 15 – دېكابىردا ئىجرا قىلىنىشى پىلانلانغان تامۇژنا بېجىنى ئاشۇرۇش بەلگىلىمىسىنىمۇ ئەمەلدىن قالدۇرۇشقا قوشۇلغانلىقىنى تەكىتلەپ، «ئىككىنچى باسقۇچلۇق كېلىشىم ئۈچۈن مۇزاكىرىلەرنى بالدۇرراق باشلايمىز. 2020 – يىلىدىكى سايلامغىچە كۈتۈپ تۇرمايمىز. بۇ ھەممەيلەنگە نىسبەتەن ياخشى بىر كېلىشىم بولدى. رەخمەت» دېدى.
مۇناسىۋەتلىك خەۋەرلەر
ئىسرائىلىيە لىۋانغا ھاۋا ھۇجۇمى قوزغىدى
ئىسرائىلىيە ئارمىيەسى لىۋاننىڭ جەنۇبىغا كەڭ كۆلەملىك ھاۋا ھۇجۇمى قوزغىدى.