péntagon seudi erebistanliq eskerlerning telim - terbiyesini toxtitip qoydi

amérika qoshma ishtatliri mudapie ministirliqi – péntagon, amérikining oxshash bolmighan herbiy bazilirida telim – terbiye éliwatqan seudi erebistanliq eskerlerning meshqlirini toxtitip qoyghanliqini uqturdi.

péntagon seudi erebistanliq eskerlerning telim - terbiyesini toxtitip qoydi

türkiye awazi radiyosi xewiri: amérika mudapie ministirliqining muawin ministiri déywid norkust bu heqte uqturush tarqitip, seudi erebistanliq bir uchquchining 6 – dékabirda pésakola déngiz armiye bazisidiki hujumidin kéyin, dölet tewelikide telim – terbiye éliwatqan chet ellik eskerlerning qaytidin tekshürülüwatqanliqini qeyt qildi.

amérikiliq emeldarlar, amérikidiki herqaysi bazilarda jemiy 300 neper seudi erebistanliq uchquchining telim – terbiye éliwatqanliqini eskertkenidi.

seudi erebistan hawa armiyesining 21 yashliq  léytinanti muhemmed shamranning, pénsakoladiki 16 mingdin artuq esker, 7400 memuriy xadim ishleydighan déngiz armiye bazisigha qilghan jüme künidiki qoralliq hujumida 3 adem jénidin ayrilghan, 8 adem yarilanghanidi. hujumchi bolsa, xewpsizlik küchliri bilen toqunush jeryanida ölgenidi.

hujumchining, weqedin burunla ijtimaiy taratqo tori tiwittérda amérika qoshma ishtatlirini israiliyeni qollash we musulmanlargha qarshi turush bilen eyibligenliki ilgiri sürülgen, amérika fédératsiye tekshürüsh idarisi – FBI, weqege térrorluq hujumi dep qarap tekshürüshke bashlighanliqini uqturghanidi.


خەتكۈچ: erebistan , esker , amérika

مۇناسىۋەتلىك خەۋەرلەر